|
AS DEZ DE
|
|
Escrito por Redacción
|
|
Venres, 14 de Decembro do 2007 |
|
Desta volta é o crítico musical Xavier Valiño -colaborador habitual de infinidade de publicacións musicais e autor do imprescindíbel El gran circo del Rock- o que se atreve a espir a súa melomanía confesando os seus dez temas favoritos coas súas respectivas motivacións. Como el mesmo nos dixo "hoxe son estas pero mañán poderían ser outras". Este é o seu Top 10:
- Aretha
Franklin: “I Say A Little Prayer”. “No momento en que me ergo, antes de poñerme
a maquillaxe, canto unha oración por ti”. A mellor voz do mundo, Aretha
Franklin, o estilo máis pegado a alma humana, o soul, e unha canción que pon os
pelos de punta. Pasaría toda a vida escoitándoa a ela e a esta canción. Non
preciso -moito- máis.
http://es.youtube.com/watch?v=STKkWj2WpWM
- Joy
Division: “Love Will Tear Us Apart”. “Cando a rutina morde con forza e as
ambicións son escasas / A xenreira ten altos vos pero as emocións non medran /
Cambiamos os nosos costumes, tomando diferentes camiños / O amor nos desgarrará
de novo”. Ian Curtis, a súa historia, o seu grupo. Hoxe todo o mundo reivindica
a Joy Division, pero supoño que insistir na tenda de discos de Lugo unha e outra
vez no ano 1980 para que me conseguiran este maxi, e esperar todos os días
impacientemente a que chegara marcou a miña vida. Podería ser “Heart & Soul”
ou outras moitas do grupo, algunhas de New Order, pero aquí está a alma deles -e
de nós-.
http://es.youtube.com/watch?v=K0dfd_L4tDk
- Antonio
Carlos Jobim e Vinicius de Moraes: “A felicididade”. “Tristeza non ten fin,
felicidade si”. Algo máis que dicir despois de escoitar esta verdade definitiva?
Brasil, o continente musical, onde mellor música se fai no mundo e máis variada.
E Jobim é o refinamento; Vinicius, compositor da letra, o poeta. Só faltou Joao
Gilberto, o terceiro vértice da bossa, o meu xénero favorito. A súa interpretación só a guitarra sempre foi
mellor.
http://es.youtube.com/watch?v=QzJPNUkkryA
- Massive
Attack: “Unfinished Sympathy”. “Es o libro que abrín e agora teño que saber
moito máis / Como un alma sen unha mente / Nun corpo sen corazón / Boto de menos
cada parte”. A mellor canción dos 90, cunha sección de corda que preme o corazón
e trae mares de bágoas, no mellor disco dos 90, o debut dos de
Bristol.
http://es.youtube.com/watch?v=y1svI-owtWA
- The Jam:
“Going Underground”. “O público consigue o que o público quere / Mais eu non
quero nada do que esta sociedade ten”. A miña iluminación. Tras tres anos
facendo radio e pinchando cousas que agora me parecen menores, ver a Paul Weller
en Aplauso (cando na televisión se
podían ver estas cousas) cambiou para sempre a miña forma de entender a música.
Nada raro nun rapaz que compraba indiscriminadamente singles de The Damned xunto
a Iron Maiden. A partir de aquí, o pop entrou na miña vida para quedarse
sempre.
http://es.youtube.com/watch?v=whSYTSXm8wo
- Lambchop:
“Up With People”. “Estamos fodendo as nosas vidas”. Que viva a xente!, como
dicían no Estado nos 70 -aí a miña
faciana hippy-. Kurt Wagner no seu mellor álbum, Nixon, naquel que a americana ou country
se mesturou con Curtis Mayfield e gloriosos coros.
http://www.youtube.com/watch?v=pbNVx9Y28rk
- Angelique
Kidjo: “Batonga”. “Onde andarás / Dime onde andas”. Despois de percorrer varios
países do mundo foi cando me decatei da colonización musical saxona. Hai outros
ritmos máis alá de Bob Marley e, ademais de Brasil, tamén está Asia ou África.
De alí prefiro o soukous, pero sempre volvo a “Batonga”. Inesquecible Nino
Moretti no comezo de Querido diario
paseando nunha Vespa polas rúas baleiras de Roma no verán mentres soa esta
canción.
http://www.youtube.com/watch?v=TZyzNbhKY34
- Golpes Bajos: “Cena recalentada”. “Cena recalentada cuando llegas tarde a casa / La imbécil de mi hermana que me pica y que se pasa / La loca de mi madre que me chilla y no se cansa / Y el viejo derrotado que se baba y amenaza / ¿Dónde has estado? / ¡Mira que facha! / ¿Qué horas son éstas? / Vete a la cama / Un beso en un portal, un abrazo, hasta mañana / Qué hombre me sentía cuando a ti te acompañaba / Tú lo eras todo y yo era nada / Pisábamos los charcos, tan lejos estabas”. Podería ser calquera das cancións dos seus tres discos. Podería ser, sobre todo, “Escenas olvidadas”, pero a emoción está aquí condensada, nestes tres minutos para a eternidade do mellor grupo galego da historia (con permiso de Os Resentidos, claro).
http://www.youtube.com/watch?v=EWX26N2jttA
- The
Smiths: “Well I Wonder”. “Pregúntome si me oes cando dormes / Choro
desconsoladamente / Pregúntome si me ves cando pasamos / Medio morro / Xadeando,
pero dalgún xeito vivo aínda, é a proba final do que son / Por favor, tenme
presente”. Para non escoller a de sempre, “There’s A Light That Never Goes Out”,
preferín “Well I Wonder”, menos recoñecida, outra desas enormes pezas dun grupo
no que case todo é para lembrar e levar no peto toda unha vida.
http://es.youtube.com/watch?v=SbPUednxVAw
- The
Beatles: “In My Life” (Pet Shop Boys: “Being Boring”). “Hai lugares que
lembrarei toda a miña vida, aínda que algúns cambiaran… / Con amantes e amigos
que aínda lembro / algúns morreron, outros están vivos”. Todo comezou cos
Beatles. Incluso eu, chapurreando inglés enriba dun carro de vacas, facendo que
cantaba encima dun escenario con aquelas casetes vellas de grupos que imitaban
aos de Liverpool de fondo. Así que aí vai un dos seus mellores momentos, para
mirar atrás no que tes feito na túa vida -coma outra dun grupo distinto, pero
con idea similar: “Being Boring” de Pet Shop Boys-.
http://es.youtube.com/watch?v=o2d2llB4oIQ
http://es.youtube.com/watch?v=3v1anN4Cf1s"
Tags: XAVIER VALIÑO ULTRASONICA |
|
NOVIDADES
-
08:00 - 13.11.2008
NOVIDADES
FRANC3S
Franc3s
(A regueifa, 2008)
Cando o 18 de maio de 1980 Ian Curtis decide unilateralmente poñer fin á breve singradura musical de Joy Division
pendurándose polo pescozo cunha corda, o deus máis escuro do Valhalla
da música popular fixo vibrar dolosamente as súas cordas vocais,
emitindo un berro nunha frecuencia tan aquelada que só os tímpanos
cunha maior dose de bizarrismo tebroso puideron captalo. Ese
berro multiplicouse en miles de ecos que espallaron interminabelmente a
mensaxe de loito desa deidade pagán polos catro recunchos do planeta.
Así, non podía ser doutro xeito, esa onda sonora vibrou por terras de Bergantiños, e a semente desa vibración áspera, sucia e arriscada agromou nos miolos de Alberto, María e Patuki (tamén chegou a Vilalba) para florecer en Franc3s.
A
evolución metastática destes individuos de fans incondicionais a parte
infinitesimal do universo bizarro fica fosilizada no seu propio nome,
tributo por triplicado á actriz Frances Farmer, á vocalista de The Vaselines Frances McKee e á artista circense Frances O´Connor. María coa batería, Alberto coa guitarra e coa voz e Patuky cos teclados non só homenaxean en cada distorsión a bandas como Surfin´ Bichos, Los Enemigos, The Cramps ou The Jesus and Mary Chain, senón que tratan de enchoupar a súa música das sensacións que lles transmiten as obras de, por exemplo, John Waters, William Burroughs ou Pollock.
Franc3s decidiu por fin dar o grande chimpo ao LP logo de dúas maquetas receptoras de boas críticas e gabanzas a manchea. O seu primeiro disco, Franc3s, está composto por dez temas e foi editado por A Regueifa Plataforma baixo licenza de Creative Commons; pode baixarse de balde en www.aregueifa.net. Tamén se pode adquirir en soporte físico, nunha edición limitada e feita a man a base de papel de lixa e peluche, en Discos Noni´s (A Coruña) e Cosmic Pop Club (Carballo).
Así que xa sabedes, amantes dos sons de ultratumba, do theremin, da escuridade, do veludo, da luz de neon reflectida nas pozas dunha cidade perdida,…, gozade todos do novo de Franc3s, e xa me contaredes.
Ler máis...
-
12:37 - 13.10.2008
NOVIDADES
NOUVELLE CUISINE
De memoria
(Autoeditado, 2008)
O “malo” de ter asinado xoias de pop tan perfecto como Aritmética polar ou Dos torres é a altura
á que deixas o listón para vindeiros discos. Os
herculinos Nouvelle Cuisine corrían o risco de ser vítimas
da calidade que plasmaron no seu anterior disco, o encantador
Autodictado. Por fortuna, os "cocinitas" non se enrrugaron e souberon
partir do ponto onde o deixaron para elevalo aínda uns
centímetros máis, coma uns Sergéis Bubka do pop con pértiga.
Sen perder o seu xa característco
estilo -algo ben dificil de conseguir nunha banda con dúas voces tan diferentes-
percébese nos doce temas que fan parte deste De memoria un
salto cualitativo na produción. Continúan a guisalo e
comelo eles mesmos pero no estudo de gravación a experiencia
nótase e este enriquecemento faise palpable tanto a nivel de
arranxos coma da expansión na paleta de sons e instrumentos (acordeóns, rhodes, sintes...).
O certo é que o son de Nouvelle Cuisine acada con este disco
un novo grau de madurez xa que a incoporación de sintetizador
e caixas de ritmos nalgúns temas e a falla de complexos para
meter guitarras moito máis distorsionadas afástaos do
típico e autolimitado son indie do que beben -La Buena Vida e La Habitación
Roja- explorando novos territorios que a esta altura da película
a verdade é que son de agradecer.
E como non hai bon disco de POP -con maiúsculas- sen unha boa colección de singles, ahi están eles para deixarnos xemas coma Sintonia08, Comunicación no verbal, El imperio roto ou Seremos cajeras... mostras de pop clásico preciosista dese que che queda ecoando permanentemente na testa con só un par de escoitas. A verdade é que resulta incrible que estes talentosos chefs non atopasen unha discográfica que lles editara o disco, por moita crise da industria discográfica que haxa. Neste caso é evidente que xogou máis na súa contra a deslocalización con respeito ao epicentro dos que terían de ser os seus pretendentes. No indie estatal xa se sabe que fora de Madrid e Barcelona vai moito frío. Porén a xogada non lles saiu tan mal, mais ben ao contrario, autoeditando o disco por partida doble, tanto en formato digipack de xeito comercial coma nun formato máis exclusivo: unha camisola que se vende xunto con unha memoria USB con toda a súa discografía. Se non querían caldo, dúas cuncas. E nós, claro, tan felices cun caldo tan cheo de sustancia.
Ler máis...
-
11:20 - 25.09.2008
NOVIDADES
BLOC PARTY
Intimacy
(Wichita, 2008)
A “alarma silenciosa” ca que catro rapaces do East London
decidiron comunicarlle ao mundo a súa existencia non foi tal; resultou
o estoupido xordo do primeiro foguete da alborada, que racha o silencio
da moribunda noite e pronostica xoldra. A partires dese intre máxico
pode gozarse ou non da festa, pero xa non sobrevive no interior dos
participantes esa inicial sensación de sorpresa. A Weekend In The City
convertiuse desde o seu lanzamento na primeira víctima das odiosas
comparacións as que serán sometidos todos e cada un dos traballos que Bloc Party decida facer, aos que xa de saída se lles catalogará como “inferiores a Silent Alarm”. Kele Okereke na voz e na guitarra, Russell Lissack na guitarra, Gordon Moakes no baixo e nos coros e Matt Tong na batería conforman Bloc Party.
Intimacy (Wichita Recordings, 2008), o seu terceiro traballo, veu a luz o pasado 21 de agosto
no seu formato dixital, quedando desde entón pendurado na rede coa
posibilidade de baixalo previo abono do prezo estipulado. Os
interesados en adquirilo no seu formato físico deberán agardar ata o 28 de outubro; neste formato inclúense algúns cortes non presentes no dixital. O disco foi producido por Paul Epworth e Jacknife Lee, quenes xa colaboraran coa banda nos seus anteriores traballos (...)
Ler máis...
-
08:00 - 11.09.2008
NOVIDADES
JUGOPLASTIKA
The 6th is the 7
(Astro Discos, 2008)
Co dos revivals é mellor
non chegar a última hora. De poder escoller, o ideal sería chegar cando a cousa xa despegou pero aínda non invade
masivamente as páxinas da NME e derivados, entrando de cheo no
momento álxido do hype. Como mal menor, non estaría mal
ser dos primeiros, o que sexa con tal de non ser dos últimos
en chegar. Porén, ser pioneiro na recuperción dun son pasado garante certa frescura e non soar clónico pero tamén ten a
desvantaxe de que van ser outros os que desfruten do verdadeiro
recoñecemento. Non se pode ter todo.
E no caso de Jugoplastika dá a impresión de que é exactamente isto último o que lles vai pasar. Asi que é
de xustiza reivindicalos dende xa coma iniciadores dun revival que
aínda está por chegar, o do indie guitarreiro dos
primeiros 90s, con ecos de radio universitaria americana, voces pouco afinadas e producións
precarias de son garaxeiro. Porque no seu último album -The
6th is the 7- non hai banda da época que non faga
acto de presenza dunha ou outra maneira nalgunha das once cancións
que fan parte do disco, dende os Pixies a Weezer pasando por
Pavement, Guided by Voices, e Grandaddy. Un traballo, por certo, maxistralmente
producido por Paco Loco, que demostra ser un auténtico
todoterreno, recreando perfectamente o son suxo dominado polas
frecuencias medias tan característico daqueles tempos dando forma ao que probablemente é o disco galego máis xenuinamente americano de todos os tempos.
Dubido que Kukoc,
Perasovic e Radja escoitasen aos Pixies nos vestiarios pero o certo
é que as coordenadas temporais deste novo son de Jugoplastika teñen
perfecto sentido e danlle coherencia absoluta á estética
do grupo. Iso si, só asimilable en todos os seus matices polos que nacimos
antes dos 80s, as novas xeracións van ter que agardar a que chegue o revival noventeiro -remastigado e actualizalo- para desfrutalo ao 100%. Sexa coma sexa, sempre poderemos dicer o de "pero se isto xa o facían Jugoplastika no 2008".
Ler máis...
-
06:52 - 02.09.2008
NOVIDADES
DEATH CAB FOR CUTIE
Narrow Stairs
(Atlantic, 2008)
Atópome de fronte e a máis de 200 km/h con Narrow Stairs;
o choque é brutal, anaquiños de disonantes melodías dunha beleza
inusual perforan diversos órganos do meu corpo e préñanme as vísceras
dun sotaque agridoce de saudade. Atópome de fronte ante o sexto traballo da banda formada por Ben Gibbard, Chris Walla, Nicholas Harmer e Jason McGerr;
atópome de fronte cunha auténtica delicia de comezo a fin, tanto no seu
formulación como na súa execución, un río que nace e transcorre cara o
mar entre meandros sinuosos e violentas fervenzas.
Nace Narrow Stairs cun corte duns cinco minutos que lembra por veces á primeira canción de Plans, aquela Marching Bands of Manhattan
que nos marabillara, aínda que esta posúe un ton máis sutil. Comeza
amodo para ir acadando maior contundencia segundo pasa o tempo,
apoiados sempre nun enorme baixo (...)
Ler máis...
-
11:34 - 12.05.2008
NOVIDADES
ESQUIOS
Un tipo normal
(Autoeditado Distribuciones, 2008)
Os estradenses Esquíos
deron un xiro importante á banda con este Un tipo normal, o
seu segundo disco longo. A incorporación de Miguel Castro na
voz en sustitución de Fidel Castro -non sei se serán
irmáns- marca en grande medida o seu novo son, moito máis
punk-rock, case alonxado por completo das querencias metaleiras do
seu debut. O certo é que o xiro parece moi meditado xa que a
nova voz -moito máis axeitado para o punk-rock con maior
carrega melódica que fan agora- dálle a Esquios un son
moito máis actual.
Pero non é a voz a
única novidade desta nova etapa. Agora atopamos unha cota
maior de temas cantados en galego e unhas letras, entre o social e o
festeiro, que encaixan mellor co seu estilo e o seu público
potencial. Especialmente agora que contan no seu repertorio con
temasda forza de “A rapa” ou “Galiza festa rachada” -sen
dúbida os dous singles máis potentes do disco- que
prometen ser verdadeiros furacáns ao vivo, cuns retrousos
deses que son carne de pogo. Dous temas, ademais, que incorporan un
par de detalles -aire funk e sección de metais, o primeiro, e
ritmo skatalítico, o segundo- que alén de demostrar a
versatilidade dos novos Esquíos tamén van facer de
efectivo anzol para atraer a novos siareiros á banda.
Ler máis...
-
06:56 - 06.05.2008
NOVIDADES
REM
Accelearte
(Warner, 2008)
Facía xa catro anos que a banda de Athens non daba sinais de vida; foi por aquel entón cando publicaron o deostado (inxustamente baixo o meu criterio) Around the Sun. Por fin en abril de 2008 saíu á luz Accelerate, anunciado polos iluminados e entendidos como “a volta as súas orixes”. ¿Pero iso non o fixeran xa con Monster? ¿non se volvera de novo a falar do mesmo cando saíron New Adventures in Hi-Fi e Up? en resumo, máis peras mentais de flipados ou pura estratexia de marketing por parte da Warner (ou ambas cousas, claro) (...)
|
RSS feed Comments
según a RAE:
bizarro, rra.
(De it. bizzarro, iracundo).
1. adj. valiente (‖ esforzado).
2. adj. Generoso, lucido, espléndido.
FRANC3S molan trogollón!
bicos pra eles