FILE NOT FOUND: modules/mod_smo_ajax_shoutbox_js.php
404: Not Found
Sorry, but the content you requested could not be found
 |
|
NOVIDADES
-
11:34 - 12.05.2008
NOVIDADES
ESQUIOS
Un tipo normal
(Autoeditado Distribuciones, 2008)
Os estradenses Esquíos
deron un xiro importante á banda con este Un tipo normal, o
seu segundo disco longo. A incorporación de Miguel Castro na
voz en sustitución de Fidel Castro -non sei se serán
irmáns- marca en grande medida o seu novo son, moito máis
punk-rock, case alonxado por completo das querencias metaleiras do
seu debut. O certo é que o xiro parece moi meditado xa que a
nova voz -moito máis axeitado para o punk-rock con maior
carrega melódica que fan agora- dálle a Esquios un son
moito máis actual.
Pero non é a voz a
única novidade desta nova etapa. Agora atopamos unha cota
maior de temas cantados en galego e unhas letras, entre o social e o
festeiro, que encaixan mellor co seu estilo e o seu público
potencial. Especialmente agora que contan no seu repertorio con
temasda forza de “A rapa” ou “Galiza festa rachada” -sen
dúbida os dous singles máis potentes do disco- que
prometen ser verdadeiros furacáns ao vivo, cuns retrousos
deses que son carne de pogo. Dous temas, ademais, que incorporan un
par de detalles -aire funk e sección de metais, o primeiro, e
ritmo skatalítico, o segundo- que alén de demostrar a
versatilidade dos novos Esquíos tamén van facer de
efectivo anzol para atraer a novos siareiros á banda.
Ler máis...
-
06:56 - 06.05.2008
NOVIDADES
REM
Accelearte
(Warner, 2008)
Facía xa catro anos que a banda de Athens non daba sinais de vida; foi por aquel entón cando publicaron o deostado (inxustamente baixo o meu criterio) Around the Sun. Por fin en abril de 2008 saíu á luz Accelerate, anunciado polos iluminados e entendidos como “a volta as súas orixes”. ¿Pero iso non o fixeran xa con Monster? ¿non se volvera de novo a falar do mesmo cando saíron New Adventures in Hi-Fi e Up? en resumo, máis peras mentais de flipados ou pura estratexia de marketing por parte da Warner (ou ambas cousas, claro) (...)
Ler máis...
-
11:53 - 17.04.2008
NOVIDADES
DELUXE
Reconstrucción
(Virgin, 2008)
Reconstrucción é o quinto disco do coruñés Xoel López, que saíu á luz o pasado 18 de marzo, aproximadamente un ano despois do lanzamento de Fin de un Viaje Infinito, o seu anterior traballo. O álbum ofrécenos dez temas inéditos e cinco remesturas das cancións
que foi publicando mes a mes en internet ao longo do 2007. A primeira
edición desta Reconstrucción, limitada ás súas 5.000 primeiras copias, traerá a maiores un DVD que inclúe imaxes en directo do Piano Bar Sessions, os tres vídeos de Fin de un Viaje Infinito e parte do concerto (unha hora e media) que Xoel ofreceu o 24 de novembro de 2007 en La Riviera, acompañado de xente como Josele Santiago, Eva Amaral e Juan Aguirre de Amaral, Amaro Ferreiro, Eladio Santos ou Julián López do programa Muchachada Nui.
No audio deste DVD inclúense quince temas máis, compostos por versións
acústicas, maquetas, as tres “cancións do mes” non incluídas no CD e
catro temas do directo en La Riviera (...)
Ler máis...
-
16:56 - 07.04.2008
NOVIDADES
NIÑO Y PISTOLA
Culebra
(Astro Discos, 2008)
Na historia da música galega
contemporánea hai poucos referentes de bandas da terra que
conseguiran un son tan xenuinamente británico coma Niño
y Pistola. Teríamos que viaxar tres décadas atrás
e lembrar a Queimada, os que no seu tempo foron chamados os
Beatles galegos. A verdade é que a tarefa non é
sinxela, porque acadar un son auténtico non é só
a composición e o estilo, hai un factor fundamental ao que
damos moita menos importancia da que ten no resultado final: a
pronuncia. Noutros paises coma Portugal ou Suecia teñen ben
claro que se escolles cantar nun idioma alleo coma é o ingles
compre que o fagas coma se tiveras nascido en Oxford. non queda
outra. Bandas coma X-wife ou Mando Diao poderían
pasar por nativas das illas perfectamente, sen dúbida un
factor decisivo na súa boa difusión internacional. É
moi doado rir das míticas vesións de “In the ghetto”
de El Príncipe Gitano ou “Acuarius” de Raphael
e despois non ter nengún problema en montar un grupo e cantar
en ingles de taxista de Benidorm (...)
Ler máis...
-
09:25 - 03.04.2008
NOVIDADES
ATAQUE ESCAMPE
Galicia es una mierda
(A Regueifa Discos, 2008)
Tras
un debate non demasiado desputado no seu blogue, a banda de Vistalegre
decidiu seguir as voces da maioría e bautizar o seu novo traballo co
nome máis provocador posíbel. Habería que facer memoria e mentar
por enésima vez a Os Resentidos para atopar un caso similar na música
galega, e mesmo así a distancia entre as dúas bandas é abismal, e
non só polas décadas que lles pasaron aos de Vigo polo lombo. A provocación
que ladra dende a carátula do disco ten un aquel máis definido da
que trouxo o carro da Movida. Sempre houbo teóricos que defenderon
o valor revolucionario do humor, especialmente no noso país, que ten
como tótem a un humorista e que se caracteriza por ser o reino da retranca.
O
disco de Ataque Escampe explota precisamente ese matiz que vai máis
alá da simple provocación, e que ao tempo segue a fuxir das verdades
profundas. Podemos velo no tema que dá nome ao disco
(“todos os traumas xa chos escoitei/pero ti es ben parvo tamén”),
en Serafín, o anxo salvador que traerá o final feliz ás diatribas
do país, e nos Tres cantos a Lenin, anaina de tintes amorosos
que acaba fundindo a súa última frase (“a miseria da vida”) co
himno soviético. Precisamente á nostalxia irónica da guerra fría
e do esplendor socialista súmase a Akira Toriyama, máximo icono da
xeración Songoku, para persistir no toque xeracional que xa viramos
no traballo anterior (...)
Ler máis...
-
12:07 - 14.03.2008
NOVIDADES
QUANT
The Shagadelic Freakist Sessions
(ARP, 2008)
A primeira vez que
escoitei a Quant foi en Radio 3, o tamén ferrolán Jesus
Ordovás entrevistávaos no desaparecido Diario Pop co
gallo da saída do seu EP "Share these Songshines". Lembro que
cando soou “Girls, girls, girls” -ese single pop perfecto- pensei
que só era cuestión de tempo que os fichara algunha das
discográficas indies estatais “potentes”. O que descoñecía
naquela altura era a ética de Quant, a súa visión
da música coma un agasallo para os demais e a súa
militancia de amor puro pola música máis alá do
mercado (...)
Ler máis...
-
12:31 - 29.02.2008
NOVIDADES
ABRAHAM BOBA
Abraham Boba
(Limbo Starr, 2007)
Se fose vigués e
tivese un grupo con aspiracións de ter repercusión
estatal non o dubidaría nen un segundo, liscaría canto
antes para Barcelona, a nova Meca da música viguesa.
Brincadeiras aparte, algo máxico está acontecer por
esas latitudes cos músicos de orixe olívica. Primeiro
foron Cat People, despois Manos de Topo e agora Abraham Boba, un
misterioso personaxe con pintas de Elvis Costello que ven namorando a
calquera que cometa a imprudencia de escoitar o seu magnífico
e homónimo disco de debut (...)
Ler máis...
-
12:26 - 29.02.2008
NOVIDADES
THE MARS VOLTA
The Bedlam in Goliath
(UMVD, 2008)
The
Mars Volta é un deses grupos privilexiados que
descoñecen a experiencia de enfrontarse a unha mala crítica,
sempre envoltos nun misticismo algo artificial e cun aura de banda
maldita, cicelada por sobredoses e accidentes mortais. Fundado
polo tándem Omar Rodríguez-López
(guitarras e produción) e Cedric Bixler-Zavala (letras
e voz principal), o cuarteto complétase na actualidade con
Isaiah Ikey Owens e Jeremy Ward (aos teclados e como
enxeñeiro de son respectivamente). A súa música
soe encadrarse dentro do rock progresivo, aderezado con pingas
latinas e de jazz (...)
Ler máis...
-
06:58 - 15.02.2008
NOVIDADES
WE ALL HAVE HOOKS FOR HANDS
The Pretender
(Afternoon Records, 2007)
Eu
tamén teño un amigo texano, concretamente de Austin, só
que este non foi gobernador de nada, nin sequera presidente da súa
comunidade de viciños; Brad, que así se chama, é
un apaixonado da música q |
RSS feed Comments
