A segunda edición de Nsaio no Camiño xa ten aos seus cinco finalistas, un por cada categoría musical deste certame. Na final de Lugo actuarán Maryland (categoría pop), Som do Galpom (mestizaxe), Telémaco (novos valores), Sinefres (categoría rock) e Loba Loo (folk). Lugo acollerá este xoves, 4 de setembro, a fase final deste certame. O artista consagrado que respaldará este concerto será o grupo de rock e tex-mex Los Lobos.

Dos cinco finalistas, un xurado especializado escollerá ao gañador definitivo de Nsaio no Camiño 2008. O premio será a gravación dun disco nun dos mellores estudos de gravación do estado e a sinatura dun contrato cunha discográfica de nivel estatal e máis un contrato de management. O traballo discográfico será distribuído ademais e promocionado no Estado por unha das entidades musicais máis importantes da península.

Fonte: Nsaio.org

Comentarios (0)

RSS feed Comments

Escrebe o teu Comentario

Nome

Email

Website

Titulo

Comentario

+ pequeno | + grande

Adicionar Comentario